امریکہ کی خاتون اول جل بائیڈن کورونا سے متاثر، 2 دن بعد ہندوستانن آنے والی تھیں

نئی دہلی: امریکی صدر جو بائیڈن اور خاتون اول جِل بائیڈن دو دن بعد ہندوستان میں ہونے والے جی-20 سربراہی اجلاس میں شرکت کرنے والے تھے۔ اس سے پہلے دونوں کی کووڈ رپورٹ آ چکی ہے۔ اس میں خاتون اول جل بائیڈن کورونا سے متاثر پائی گئی ہیں۔ تاہم صدر بائیڈن کی رپورٹ منفی ہے۔

دریں اثنا، خاتون اول کے دفتر کا کہنا ہے کہ ان میں کووڈ کی کوئی علامت نہیں ہے۔ اس دوران وہ ڈیلاویئر میں اپنی رہائش گاہ پر رہیں گی۔ ان کے کمیونیکیشن ڈائریکٹر نے ایک بیان میں کہا کہ وائٹ ہاؤس کے میڈیکل یونٹ نے قریبی لوگوں کو اس بارے میں آگاہ کر دیا ہے۔

71 سالہ جل بائیڈن کو پہلی بار 16 اگست کو جنوبی کیرولینا میں صدر کے ساتھ تعطیلات کے دوران کووڈ پازیٹو پایا گیا تھا۔ وہ 5 دن سے قرنطینہ میں تھیں۔ کووڈ رپورٹ آنے کے بعد وہ صدر کے پاس چلی گئیں۔

صدر بائیڈن اور خاتون اول جل بائیڈن 7 ستمبر کو جی-20 سربراہی اجلاس میں شرکت کے لیے ہندوستان کا دورہ کرنے والے تھے۔ وائٹ ہاؤس کی طرف سے بتایا گیا کہ صدر بائیڈن 8 ستمبر کو وزیر اعظم مودی کے ساتھ دو طرفہ بات چیت کریں گے۔ وہ جی-20 کی قیادت کے لیے مودی کی تعریف کریں گے۔ اس کے علاوہ وہ 9-10 ستمبر کو ہونے والی جی-20 کانفرنس میں شرکت کریں گے، جہاں وہ جی-20 کے دیگر شراکت داروں کے ساتھ صاف توانائی اور موسمیاتی تبدیلی جیسے کئی عالمی مسائل پر تبادلہ خیال کریں گے۔

وائٹ ہاؤس نے کہا کہ وہ یوکرین میں روس کے صدر پوتن کی جنگ کے معاشی اور سماجی اثرات کو کم کرنے کی کوشش کرے گا اور غربت سے بہتر طریقے سے لڑنے کے لیے عالمی بینک سمیت کثیر جہتی ترقیاتی بینکوں کی صلاحیت بڑھانے پر بات چیت کی جا سکتی ہے۔

اس کے بعد بائیڈن 10 ستمبر کو ویتنام روانہ ہوں گے۔ وہ ویتنام کے شہر ہنوئی میں جنرل سکریٹری ناگوین فو ترونگ اور دیگر سرکردہ رہنماؤں کے ساتھ بات چیت کریں گے۔ اس دوران امریکہ اور ویتنام کے درمیان تعاون بڑھانے پر بات چیت ہوگی۔