عید الفطر کے موقع پر سوڈان میں 72 گھنٹے کی جنگ بندی پر اتفاق
سوڈان کی نیم فوجی ریپڈ سپورٹ فورسز (آر ایس ایف) نے کہا کہ اس نے انسانی ہمدردی کی بنیاد پر 72 گھنٹے کی جنگ بندی پر اتفاق کیا ہے، جو جمعہ کو مقامی وقت کے مطابق 6 بجے سے شروع ہوئی
Getty Images
خرطوم: سوڈان کی نیم فوجی ریپڈ سپورٹ فورسز (آر ایس ایف) نے کہا کہ اس نے انسانی ہمدردی کی بنیاد پر 72 گھنٹے کی جنگ بندی پر اتفاق کیا ہے، جو جمعہ کو مقامی وقت کے مطابق 06:00 بجے سے شروع ہوئی۔
امریکی وزیر خارجہ اینٹونی بلنکن نے جمعرات کو سوڈانی فوج کے کمانڈر عبدالفتاح البرہان اور آر ایس ایف کے کمانڈر محمد حمدان دگالو سے بات چیت کی اور دونوں فریقوں پر زور دیا کہ وہ مسلمانوں کے تہوار عید الفطر تک 23 اپریل تک ملک گیر جنگ بندی کی پابندی کریں۔
خبر رساں ادارے رائٹرزنے آر ایس ایف کے ایک بیان کا حوالہ دیتے ہوئے کہا کہ یہ جنگ بندی عید الفطر کے موقع پر ہوئی، جس سے شہریوں کو نکلانےکے لیے انسانی ہمدردی کی راہداریوں کو کھولا گیا اور انہیں اپنے اہل خانہ سے ملنے اور مبارکباد دینے کی اجازت دی گئی۔
سوڈانی فوج اور آر ایس ایف کے درمیان گزشتہ ہفتے کے روز سوڈان کے دارالحکومت خرطوم اور ملک کے دیگر علاقوں میں جھڑپیں شروع ہوئیں۔ سرکاری فورسز نے آر ایس ایف پر بغاوت کو ہوا دینے کا الزام لگایا اور ان کے ٹھکانوں پر فضائی حملے شروع کر دیے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔