افغانستان: دکانوں کے باہر کھڑے ’مینیکن‘ کی گردنیں کیوں کاٹ رہا طالبان؟

افغانستان میں طالبان حکومت آنے کے بعد کئی طرح کی تبدیلیاں دیکھنے کو مل رہی ہیں۔ خصوصاً خواتین کو لے کر کئی طرح کے احکامات صادر کیے جا چکے ہیں۔ اس درمیان افغانستان کے ہرات علاقہ کی ایک ویڈیو سوشل میڈیا پر وائرل ہو رہی ہے جس میں ایک شخص کپڑے کی دکان پر لگے ’مینیکن‘ (ماڈلس کی مورتیاں) کی گردنیں کاٹتا نظر آ رہا ہے۔ اس کے آس پاس کھڑے لوگ اللہ کبر کے نعرے لگا رہے ہیں اور ہنس رہے ہیں۔

دراصل طالبان حکومت نے حکم صادر کیا تھا کہ کپڑے کی دکانوں پر لگے ماڈلس کی مورتیوں کو ہٹا دیا جائے۔ اسے اسلام کو ٹھیس پہنچانے والا بتایا گیا اور مینیکن کو دکانوں سے ہٹانے کا حکم جاری کیا گیا۔ یہ حکم مغربی افغان علاقہ ہرات میں اخلاقیات عام کرنے اور برائی روکنے والی وزارت کے ذریعہ صادر کیا گیا۔

’آج تک‘ پر شائع ایک رپورٹ کے مطابق وزارت کے مقامی محکمہ کے سربراہ عزیز الرحمن نے مینیکن کو مورتیوں کی شکل بتایا اور دعویٰ کیا کہ ان کی پوجا کی جا رہی تھی، جو اسلام میں ممنوع ہے۔ مورتیوں کی پوجا اسلام میں ایک سنگین گناہ ہے اور طالبان نے اسی کے پیش نظر مینیکن پر پابندی لگا دی۔ اب کہیں مینیکن دکھائی دے رہا ہے تو اس کی گردن زدنی کی جا رہی ہے۔

دلچسپ بات یہ ہے کہ دکانداروں نے کچھ دلائل پیش کیے تھے کہ کیوں انھیں مینیکن کی ضرورت ہے۔ اس کے پیش نظر عزیز الرحمن نے کہا کہ مینیکن کو ہٹانے کی جگہ ان کے سر قلم کر دیئے جائیں۔ ساتھ ہی عزیز نے متنبہ کیا کہ اگر دکاندار اس فیصلے کی خلاف ورزی کرتے ہیں تو انھیں سخت سزا دی جائے گی۔