افغانستان میں سیلاب سے تباہی، 22 افراد جاں بحق
بیان میں کہا گیا کہ گزشتہ دیر رات تک صوبے کے اضلاع جلریز، چک، سید آباد، اور نورکھ میں شدید بارشوں کے نتیجے میں سیلاب آیا، جس سے سینکڑوں مکانات اور ہزاروں ایکڑ زرعی اراضی کو نقصان پہنچا۔
افغانستان میں سیلاب / Getty Images
کابل: افغانستان کے مشرقی صوبہ وردک کے کچھ علاقوں میں ہفتہ کے روز ہونے والی شدید بارش اور سیلاب کی وجہ سے کم از کم 22 افراد جاں بحق اور 40 زخمی ہوگئے۔ یہ اطلاع اتوار کے روز صوبائی حکومت کے ایک بیان میں دی گئی۔ بیان میں کہا گیا کہ گزشتہ دیر رات تک صوبے کے اضلاع جلریز، چک، سید آباد، اور نورکھ میں شدید بارشوں کے نتیجے میں سیلاب آیا، جس سے سینکڑوں مکانات اور ہزاروں ایکڑ زرعی اراضی کو نقصان پہنچا۔
یہ بھی پڑھیں : منی پور! روئیے زار زار کیوں، کیجیے ہائے ہائے کیوں؟
محکمہ قدرتی آفات کے صوبائی ڈائریکٹر فیض اللہ جلالی نے سیلاب میں 12 سے زائد افراد کے لاپتہ ہونے کی تصدیق کی۔ دریں اثناء، افغانستان کے محکمہ موسمیات نے آنے والے دنوں میں مزید بارشوں کی پیش گوئی کرتے ہوئے ملک کے کچھ حصوں میں سیلاب کی وارننگ جاری کی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔