ویڈیو: فلم ’شیرشاہ‘ کی کہانی لکھنے والے سندیپ شریواستو سے خصوصی گفتگو

کرگل کے ہیرو شہید کیپٹن وکرم بترا کی پوری شخصیت اپنے آپ میں ایک مثال تھی اور ان کے ذریعہ بولا گیا ایک جملہ ’یہ دل مانگےمور‘ پورے سماج میں بہت مقبول ہوا۔ اب ان کی شخصیت پر ’شیر شاہ ‘ نام سے ایک فلم بنی ہے جو پرائم ویڈیو پر بے انتہا مقبول ہو رہی ہے۔

شیر شاہ فلم کا سب سے اہم پہلو ہے وکرم بترا کی شخصیت کو کہانی میں ڈھالنا یعنی کہانی لکھنا اور اس کو بخوبی انجام دیا ہے سندیپ شریواستو نے، جنہوں اس سے قبل بھی کئی معروف فلموں کی کہانیاں تحریر کی ہیں۔ انہوں نے فلم ’اب تک چھپن‘، کابل ایکسپریس‘، نیویارک وغیرہ کی کہانی لکھی ہے۔ قومی آواز نے سندیپ شریواستو سے ان کی اپنی شخصیت اور فلم ’شیرشاہ‘ کی کہانی سے جڑے واقعات پر تفصیل سے گفتگو کی۔ پیش ہیں اس گفتگو کے چند اقتباسات: