ریا کی درخواست ضمانت پر سماعت کل، وکیل نے دی اطلاع

ممبئی: منشیات کے معاملہ میں ریا چکرورتی کی درخواست ضمانت پر سیشن کورٹ میں سماعت کل ہوگی۔ ان کے وکیل ستیش مانشندے نے اس کی اطلاع دی۔ ریا کے علاوہ ان کے بھائی شووک کی درخواست ضمات پر بھی کل ہی سماعت ہوگی۔ اس سے قبل ریا چکرورتی کو 14 دن کی عدالتی تحویل میں بھائیکلا جیل بھیج دیا گیا۔ ریا کی گرفتار این ڈی پی ایس ایکٹ کی دفعہ 16/20 کے تحت کی گئی ہے اور انہیں 22 ستمبر تک جیل میں رہنا ہوگا۔ اداکارہ کو کل ہی این سی بی کی طرف سے ڈرگ کے معاملہ میں گرفتار کیا گیا تھا۔

ادھر، امکانات ظاہر کیے جا رہے ہیں کہ ریا کے بعد بالی ووڈ سے وابستہ کچھ اور افراد کے خلاف بھی انسداد منشیات بیورو کارروائی کر سکتا ہے۔ میڈیا میں خبر گشت کر رہی ہے کہ این سی بی کو 25 مشہور شخصیات کی ایک فہرست دی گئی ہے جو ڈرگ پارٹی میں شریک ہوتے تھے۔ این سی بی نے واضح کیا ہے کہ اب سوشانت کیس کے بہانے ہی سہی لیکن منشیات کے گروہ کا پردہ فاش کیا جائے گا۔