200 ممالک میں عالمی کپ کرکٹ کے میچز دیکھے جائیں گے

لندن: انٹر نیشنل کرکٹ کونسل نے عالمی کپ کو کرکٹ کا سب سے بڑا جشن قرار دیا ہے جس کے مقابلہ 200 ممالک میں دیکھے جائیں گے۔

عالمی کپ کرکٹ کا انگلینڈ میں 30 مئی کو آغاز ہو گا، انٹرنیشنل کرکٹ کونسل (آئی سی سی) نے اسے کرکٹ کی تاریخ کا سب سے بڑا جشن قرار دیا ہے، اس کے سنسنی خیز مقابلہ 200 ممالک میں دیکھے جائیں گے۔ مجموعی طور پر نشریات دیکھنے کا وقت 13 ارب گھنٹے ہوگا، ایک ارب گھنٹے کا وقت ڈجیٹل میڈیا پر میچز دیکھتے ہوئے بھی صرف ہوگا۔

آئی سی سی کے مطابق ٹکٹوں کے لئے مجموعی طور پر 30 لاکھ درخواستیں وصول ہوئیں، کسی ایک میچ کے لئے 4 لاکھ تک امیدوار بھی سامنے آئے، ایک لاکھ 10ہزار خواتین اور ایک لاکھ انڈر 16 بچے بھی تماشائیوں میں شامل ہوں گے، جن کیلئے 8 فین زونز بنائے گئے ہیں۔