ہندوستان-آسٹریلیا کے درمیان آخری ٹیسٹ میچ ہوگا بھی یا نہیں؟

ہندوستان اور آسٹریلیا کے مابین چوتھا اور آخری کرکٹ ٹیسٹ میچ 15 جنوری سے برسبین میں ہونا ہے اس پر تلوار لٹک گئی ہے کیونکہ کوینس لینڈ کی دارالحکومت برسبین جہاں یہ میچ کھیلاجانا ہے وہاں پرکوارنٹائن کی پابندیاں سخت کر دی گئی ہیں اور ہندوستانی کرکٹ ٹیم ان پر عمل کرنےکےلئے رضامند نظر نہیں آ رہی ہے۔

واضح رہے آسٹریلیا کے نیو ساؤتھ ویلس میں کورونا کے پھیلاؤ کی خبریں ہیں اور کوینس لینڈ نےنیو ساؤتھ ویلس کے ساتھ اپنی سرحدیں بند کردی ہیں اور آسٹریلیااور ہندوستان کی کرکٹ ٹیموں کو چارٹرڈ طیارے سے وہاں پہنچنا ہے۔آسٹریلیا کی ٹیم کوکہہ دیاگیا ہے کہ کھلاڑی جب ٹریننگ نہیں ہوگی اس وقت ہوٹل کےاپنے کمروں میں ہی رہیں گےلیکن ہندوستانی ٹیم کو ایسی کوئی اطلاع ابھی موصول نہیں ہوئی ہے لیکن ہندوستانی ٹیم کوارنٹائن کے ان سخت ضوابط پر عمل کرنے کے لئے رضامند نظرنہیں آ رہی ہے۔کل دونوں ٹیموں کو سڈنی جانا ہے۔

ذرائع کے مطابق ہندوستانی ٹیم کے سینئر اہلکار کا کہنا ہےکہ پہلے 14 دن کے لئے دبئی میں کوارنٹائن ہونا اور پھر سڈنی میں 14 دن کے لئےکوارنٹائن ہونا، ان دونوں کے بعد یہ برسبین کا کوارنٹائن سخت نظر آ رہا ہے اور ٹیم اب دورہ کے آخر میں کورنٹائن نہیں ہونا چاہتی۔

اس بیچ ایسی بھی خبریں ہیں کہ اگر کوینس لینڈ حکومت ہندوستانی ٹیم کے لئے سخت کوارنٹائن ضابطوں میں نرمی نہیں کرتی تو چوتھےاورآخری کرکٹ ٹیسٹ میچ کی میزبانی نیوساؤتھ ویلس کے دارالحکومت سڈنی کو دی جا سکتی ہےاور اگر دونوں میں سےکچھ نہیں ہوا یعنی ضابطوں میں نرمی بھی نہیں کی اور جگہ بھی نہیں بدلی تو آخری ٹیسٹ میچ کے ہونے کے امکان کم ہو جائیں گے۔ہندستانی ٹیم کا واضح کہنا ہے کہ بار بار کا کوارنٹائن کھلاڑیوں کے ذہن اور کار کردگی دونوں کو متاثر کرتا ہے۔