شامی کے خلاف حَسین جہاں پہنچیں عدالت

کلکتہ: ہندوستانی کرکٹ ٹیم کے رکن محمد شامی کے خلاف اب ان کی اہلیہ نے گھریلو تشدد کا معاملہ علی پور ٹ کورٹ میں درج کرایا ہے ۔

گزشتہ مہینے سے محمد شامی اور ان کی اہلیہ کے درمیان سے اختلافات چل رہے ہیں ۔حسینہ جہاں نے محمد شامی کے خلاف کئی سنگین الزامات عائد کیے ہیں جس کے خلاف کلکتہ پولس کی جانچ کررہی ہے ۔مگر اب تک محمد شامی سے کلکتہ پولس نے پوچھ تاچھ نہیں کی ہے ۔اب حسین جہاں نے علی پور کورٹ کا دروازہ کھٹکھٹایا ہے ۔

اس سے قبل محمد شامی کی اہلیہ نے آئی پی ایل فرنچائز ٹیم دہلی ڈویلس کے سی ای او ہیمانت دوا سے ملاقات کرکے اپیل کی تھی چوں کہ ان کے خلاف گھریلو تشدد کا معاملہ چل رہا ہے اس لیے انہیں آئی پی ایل میں نہیں کھلایا جائے ۔حسین جہاں نے کہا تھا کہ میں سی ای او ہیمانت سر سے ملاقات کرکے اپنی بات رکھی ہے کہ جب تک خاندانی تنازعہ حل نہیں ہوجاتا اس وقت انہیں آئی پی ایل میں نہیں کھلا یا جائے۔

شامی کے خلاف کلکتہ پولس نے انڈین پینل کوڈ کے تحت کیس درج کررکھے ہیں جس میں گھریلو تشدد، قتل کی کوشش ، عصمت دری وغیر ہ شامل ہے ۔