آئی پی ایل کے باقی میچوں کو مکمل کرانے کی ’انگلینڈ کاؤنٹی‘ نے کی پیشکش

لندن: انگلینڈ کی کاونٹی کے ایک گروپ نے آئی پی ایل کے باقی میچوں کو اس سال ستمبر میں اپنے یہاں کرانے کی پیشکش کی ہے۔ ایم سی سی، سرے، وارک شائر اور لنکاشائر (دونوں لارڈس میں واقع) ، کیا اوول (دونوں لندن)، ایجبسٹن(برمنگھم) اور ایمریسٹس اولڈ ٹریفڈ (مینچسٹر) اس گروپ کا حصہ ہیں جنہوں نے انگلینڈ اینڈ ویلس کرکٹ بورڈ (ای سی بی )کو خط لکھ کر بی سی سی آئی کے سامنے یہ پیشکش رکھنے کی گزارش کی ہے۔ اس گروپ کے منصوبہ کے مطابق ٹورنامنٹ ستمبر کے دوسرے ہاف میں تقریباً دو ہفتے میں پورا کرلیا جائے گا۔

ٹورنامنٹ کو مکمل کرنے کے علاوہ کاونٹی نے یہ بھی اشارہ دیا ہے کہ وہ چوٹی کے کھلاڑیوں کو ٹی ٹوئنٹی عالمی کپ میں جانے میں مدد فراہم کرے گا اور یہ یقینی بنائے گا کہ یو اے ای میں ٹی ٹوئنٹی عالمی کپ کھیلے جانے کی پوزیشن میں پچیں ایک دم تازہ ملے۔

کاؤنٹی نے امید ظاہر کی ہے کہ میچوں کو فل ہاؤس شائقین کے سامنے کھیلا جائے گا حالانکہ یہ بھی امکان ہے کہ آئی پی ایل کی میزبانی متحدہ عرب امارات میں کی جائے اور دو سے تین میچ روزانہ کھیلے جائیں اور گروپ مرحلہ اور ناک آوٹ مرحلہ کے بیچ کوئی فرق نہ ہو۔ واضح رہے کہ انگلینڈ -ہندوستان ٹسٹ سیریز 14 ستمبر کو مینچیسٹر میں ختم ہوگی۔