یوگی کا محمدشامی کے آبائی گاؤں کو منی اسٹیڈئم اور جم  کا تحفہ  

ہندوستانی تیز گیند باز محمد شامی کو ورلڈ کپ فائنل سے قبل اتر پردیش کے وزیر اعلی یوگی آدتیہ ناتھ نے تحفہ دیا ہے۔حکومت شامی کے آبائی ضلع امروہہ کے گاؤں میں ایک منی اسٹیڈیم اور اوپن جم بنائے گی۔

ضلع مجسٹریٹ راجیش تیاگی نے ہفتہ کو کہا کہ ضلع کے سہس پور علی نگر گاؤں میں منی اسٹیڈیم اور اوپن جم بنانے کی تجویز پہلے ہی بھیج دی گئی تھی۔ جس میں ایک ہیکٹر اراضی میں منی اسٹیڈیم بنانے کی تجویز ہے۔ بلاک سمیت کئی دیگر سینئر عہدیداروں کے ذریعہ مجوزہ تجویز کے سلسلے میں جائے وقوعہ پر جائزہ لیا گیا ۔

قابل ذکر ہے کہ کرکٹ ورلڈ کپ 2023کے چھ میچوں میں 23 وکٹیں لینے والے ہندوستانی ٹیم کے گیندباز شامی کا اسٹرائیک ریٹ 10.09 ہے۔ ون ڈے میچ میں سات وکٹیں لینے والے پہلے ہندوستانی گیند باز شامی کو نیوزی لینڈ کے خلاف سیمی فائنل میچ میں بہترین کارکردگی کے لیے مین آف دی میچ منتخب کیا گیا۔ اس شاندار کارکردگی پر ان کے آبائی گاؤں میں بنائے جانے والے منی اسٹیڈیم اور اوپن جم پر خوشی کا ماحول ہے۔