155 کلومیٹر فی گھنٹہ کی رفتار سے گیندبازی کر عمران ملک میرے لیے چیزیں آسان بنا رہے ہیں: عرشدیپ سنگھ

ہندوستان کے نوجوان تیز گیندباز عرشدیپ سنگھ نے اپنے ساتھی تیز گیندباز عمران ملک کی تعریف کرتے ہوئے کہا کہ عمران اپنی تیز گیندبازی سے میدان میں ان کے لیے چیزیں آسان بنا رہے ہیں۔ عرشدیپ اور عمران دونوں نے نیوزی لینڈ کے خلاف یک روزہ سیریز کے پہلے میچ میں اپنا ڈیبیو کیا تھا۔ دونوں کو ایک ساتھ گیندبازی کرنے میں کافی مزہ آیا۔

عرشدیپ سنگھ نے کہا کہ ’’میرے لیے عمران کے ساتھ کھیلنا مزیدار تجربہ ہے۔ عمران 155 کلومیٹر فی گھنٹہ کی رفتار سے گیندبازی کر کے میرے لیے چیزیں آسان بناتے ہیں۔ ہمیں میدان میں اور اس کے باہر اپنی شراکت داری پسند ہے۔ امید کرتا ہوں کہ یہ شراکت داری طویل مدت تک بنی رہے گی۔ حالانکہ مجھے نہیں پتہ کہ میرا سفر آسان یا چیلنجنگ ہے۔‘‘

عرشدیپ نے نیوزی لینڈ کے خلاف کھیلے جانے والے تیسرے یک روزہ میچ سے قبل کی شام پریس کانفرنس سے خطاب کرتے ہوئے کہا کہ ’’ایک کھلاڑی کے طور پر ہم کھیلنے اور اس کے رد عمل کا لطف اٹھانے پر توجہ دیتے ہیں، اور اس بارے میں زیادہ نہیں سوچتے کہ کیا آسان ہے اور کیا چیلنجنگ۔ جب ہم اپنا بہترین پیش کرتے ہیں تو اچھا لگتا ہے۔ ہم میچ در میچ آگے بڑھتے ہیں اور اس بارے میں نہیں سوچتے کہ میں اگلے سال یہاں رہوں گا یا نہیں۔‘‘