یو پی اے حکومت کا ’آر سی ای پی‘ سے ہٹنے کا فیصلہ صحیح تھا: چدمبرم

نئی دہلی: سابق وزیر خزانہ اور کانگریس کے سینئر لیڈر پی چدمبرم نے علاقائی جامع اقتصادی شراکت داری (آر سی ای پی) سمجھوتے سے ہٹنے کے حکومت کے فیصلے کی حمایت کرتے ہوئے جمعرات کو کہا کہ اقتصادی بحران کے دور میں یہ فیصلہ صحیح ہے۔

چدمبرم نے ٹوئٹ کیا ’’سال 2012 میں ترقی پسند اتحاد (یو پی اے) حکومت کا آر سی پی ملکوں سے جڑنے کا فیصلہ صحیح تھا۔ کانگریس کا 2019 میں مرکزی حکومت اس سمجھوتے سے پیچھے ہٹنے اور آر سی ای پی پر دستخط نہ کرنے کا مشورہ بھی صحیح ہے۔‘‘

حال میں اقتصادی بحران کے لئے قومی جمہوری اتحاد (این ڈی اے) حکومت کو قصوروار قرار دیتے ہوئے انہوں نے طنز کیا ’’سال 2012 اور 2019 میں بڑا فرق یہ ہے کہ آج ملک کی اقتصادی حالت متاثر ہو رہی ہے اور اس کے لئے این ڈی اے کا غیر فعال انتظامیہ ذمہ دارہے۔‘‘

چدمبرم آئی این ایکس گھپلے کے الزام میں یہاں تہاڑ جیل میں بند ہیں اور انہوں نے ٹوئٹ کرکے اپنی بات کہنے کے لئے اپنے خاندان کے اراکین کی مدد لی ہوئی ہے۔