یوکرین پر روس کا حملہ: عالمی منڈی میں سونا اور خام تیل مہنگا

ویانا: روس پر یوکرین کے حملے کے بعد عالمی منڈی میں سونے اور خام تیل کی قیمتوں میں ریکارڈ اضافہ درج کیا گیا ہے۔ عالمی منڈی میں برینٹ خام تیل 101 ڈالر فی بیرل سے اوپر چلا گیا ہے جبکہ سونے کی قیمت 40 ڈالر فی اونس تک پہنچ گئی ہے۔

سنگاپور مارکیٹ میں دوران ٹریڈنگ برینٹ خام تیل 101 ڈالر 22 سینٹس پر پہنچا ہوا ہے، ڈبلیو ٹی آئی خام تیل 96 ڈالر 42 سینٹس پر ٹریڈ ہو رہا ہے۔ گیس کی قیمت 4 فیصد اضافے سے 4 ڈالر 80 سینٹ فی ایم ایم بی ٹی یو ہو گئی ہے۔ واضح رہے کہ روس کے یوکرین پر حملوں کے بعد ایشیائی اسٹاک مارکیٹس مندی کی لپیٹ میں ہیں۔

روس کے یوکرین پر حملے کے بعد یوکرین کے دارالحکومت کیف میں دھماکے سنے گئے ہیں جبکہ پورے یوکرین میں مارشل لا نافذ کر دیا گیا ہے۔ روسی صدر ولادیمیر پیوٹن نے یوکرین پر خصوصی فوجی آپریشن کا اعلان کرتے ہوئے یوکرین کی فوج سے ہتھیار ڈالنے کا مطالبہ کیا ہے۔

یوکرین کی فوج نے دعویٰ کیا ہے کہ اس نے لوہانسک علاوہ میں روس کے پانچ طیارے اور ایک ہیلی کاپٹر مار گرائے ہیں، جبکہ روس نے دعوی کیا ہے کہ اس نے یوکرین کا فضائی بیس اور ایئر ڈیفنس تباہ کر دیا ہے۔