نائیجیریا نے میٹا کو قوانین کی خلاف ورزی کرنے پر 220 ملین ڈالر کا کیا جرمانہ
صرف نائیجیریا ہی نہیں بلکہ آئرلینڈ نے میٹا کو یوروپی یونین سے امریکہ کو ذاتی ڈیٹا کی منتقلی سے متعلق خلاف ورزیوں پر ریکارڈ 1.2 بلین یورو جرمانہ کیا۔
فائل تصویر آئی اے این ایس
نائیجیریا کے فیڈرل کمپیٹیشن اینڈ کنزیومر پروٹیکشن کمیشن (ایف سی سی پی سی) نے کہا کہ اس نے فیس بک اور واٹس ایپ پلیٹ فارمز پر ڈیٹا شیئرنگ کی تحقیقات کے بعد مقامی صارفین اور ڈیٹا کے تحفظ کے قوانین کی خلاف ورزی کرنے پر میٹا پر 220 ملین ڈالر کا جرمانہ عائد کیا ہے۔
یہ بھی پڑھیں : ریلائنس کا منافع پچھلے مالی سال کے مقابلے 4 فیصد کم ہوا
کمیشن نے اپنی پریس ریلیز میں کہا ’’حتمی حکم میں صرف دو سو بیس ملین امریکی ڈالر کا مالی جرمانہ عائد کیا گیا ہے۔‘‘
پریس ریلیز میں کہا گیا ہے کہ میٹا نے اپنے پلیٹ فارم پر نائجیریا کے صارفین کے ڈیٹا کا ان کی رضامندی کے بغیر استعمال کیا جو غلط ہےانہوں نے اپنی اہم مارکیٹ پوزیشن کا غلط استعمال کیا اور اسی طرح کے ضوابط کے ساتھ دوسرے دائرہ اختیار کے مقابلے نائجیرین باشندوں کے ساتھ امتیازی اور غیر مساوی سلوک کیا۔
یورپی ریگولیٹرز نے ذاتی ڈیٹا پرائیویسی کے امور کے لئے کمپنی پر بار بار جرمانہ عائد کیا ہے۔ آئرلینڈ نے میٹا کو یوروپی یونین سے امریکہ کو ذاتی ڈیٹا کی منتقلی سے متعلق خلاف ورزیوں پر ریکارڈ 1.2 بلین یورو جرمانہ کیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔