چار ہزار کروڑ کے ایک اور گھوٹالہ کا انکشاف

کانپور میں ہی ایک اور روٹومیک کے وکرم کوٹھاری جیسا ایک بڑا گھوٹالہ سامنے آیا ہے۔ یہاں ڈاکٹر ایم پی اگروال کی کمپنی شری لکشمی کاٹن لمٹیڈ نے 16بینکوں سے 3972کروڑ کا قرضہ لیا تھا اور اب یہ کمپنی ڈیفالٹر ہو گئی ہے۔

واضح رہے کہ اگروال کی کمپنی ’شری لکشمی کاٹن لمٹیڈ ‘ ٹیکسٹائل اور دفاع کا سامان بناتی ہے۔ کمپنی پر سینٹرل بینک آف انڈیا کے 3904کروڑ ،یو کو بینک کے 65کروڑ روپے اور آئی ایف سی ایل کے 5کروڑ روپے بقایا ہیں۔

واضح رہے انکم ٹیکس محکمہ نے روٹومیک کے مالک وکرم کوٹھاری کے خلاف مبینہ ٹیکس چوری کے معاملے میں چارج شیٹ داخل کی ہے۔