تہواروں اور شادیوں کے باعث سونے کی قیمتوں میں اضافے کا امکان

ہندوستانیوں کے لیے سونا صرف سرمایہ کاری کا ذریعہ نہیں ہے بلکہ خوشحالی کی علامت ہے۔ یہی وجہ ہے کہ گزشتہ چند سالوں میں سونے کی قیمت میں تیزی سے اضافہ ہوا ہے۔ ہفتہ کو دہلی میں 24 کیرٹ سونے کی قیمت 73020 روپے فی 10 گرام رہی۔ اب ملک میں تہواروں کا موسم شروع ہو گیا ہے اور  دھنتیرس پر سونے کی مانگ ریکارڈ بلندی پر پہنچنے والی ہے۔ اس کے بعد شادیوں کا سیزن شروع ہو جائے گا جس میں سونے کی مانگ ہر سال بڑھ جاتی ہے۔ ایسے میں سونے کی مانگ اور اس کے نرخ آنے والے تین ماہ تک بڑھتے رہ سکتے ہیں۔

رواں مالی سال میں سونے کی قیمت میں زبردست اضافہ ہوا ہے۔ دنیا میں جاری کئی جنگوں اور ملکی مانگ کی وجہ سے ہندوستان میں سونے کی ریکارڈ تعداد میں فروخت ہوئی ہے۔ دنیا کے کئی مرکزی بینکوں نے مسلسل سونا خریدا ہے۔ جس کی وجہ سے سونے کی قیمت میں اضافہ ہوتا رہا۔

وزیر خزانہ نرملا سیتارامن نے بجٹ کے دوران کسٹم ڈیوٹی میں کمی کی۔ جس کی وجہ سے سونا کچھ دنوں تک مسلسل سستا ہوتا گیا، لیکن اس نے پھر تیزی سے چھلانگ لگا کر آگے بڑھنا شروع کر دیا ہے۔ اب خیال کیا جا رہا ہے کہ اگلے 3 ماہ میں سونے کی قیمت ریکارڈ توڑ سکتی ہے۔