سونے کی قیمت پھر سے 40 ہزار کے پار، چاندی بھی بلند ترین سطح پر

نئی دہلی: بیرون ملک میں دونوں قیمتی دھاتوں میں آ رہی تیزی کا اثر ہندوستانی صرافہ بازار پر بھی پڑ رہا ہے اور منگل کے روز سونے کی قیمت پھر سے 40 ہزار روپے فی تولہ سے تجاوز کر گئی۔ ادھر چاندی کی قیمتیں بھی بلند ترین سطح پر بنی ہوئی ہے۔

دہلی کے صرافہ بازار میں سونا آج 595 روپے کی چھلانگ لگا کر 40،195 روپے فی دس گرام تک پہنچ گیا۔ سونے کی یہ 29 اگست کے بعد بلند ترین سطح ہے۔ گزشتہ 29 اگست کو یہ 40،220 روپے فی دس گرام ریکارڈ سطح پر رہا تھا۔ تاہم، اس کے بعد مسلسل تین دن اس کی قیمت میں گراوٹ درج کی گئی تھی۔

مقامی بازارمیں چاندی کی قیمت میں بھی اضافہ ہوا اور یہ 270 روپے بڑھ کر 49،070 روپے فی کلو گرام پر پہنچ گیا جو اس کی ریکارڈ سطح ہے۔ چاندی کے سکوں کی قیمت بھی 30 روپے بڑھ کر وہ اب تک کی اپنی بلند ترین سطح پر پہنچ گیا ہے۔

واضح رہے کہ بیرون ملک میں سونا حاضر 5.65 ڈالر کے اضافہ کے ساتھ 1531.75 ڈالر فی اونس پر پہنچ گیا۔ دسمبر میں امریکہ سونا وعدہ بھی 11.90 ڈالر کے اضافہ کے ساتھ 1541.30 ڈالر فی اونس پر پہنچ گیا ہے۔

بازار کے ماہرین نے بتایا کہ امریکہ اور چین کے درمیان مدت طویل سے جاری کاروباری جنگ کے گہرانے سے دونوں قیمتی دھاتوں میں تیزی نظر آ رہی ہے۔ اس کے علاوہ عالمی کساد بازاری کے خدشہ کے پیش نظر بھی سرمایہ کار ’پیلی دھات‘ کا رخ کر رہے ہیں۔ حالانکہ ڈالر کی مضبوطی کی وجہ سے سونے کا اضافہ محدود رہا ہے۔ عالمی بازار میں چاندی حاضر بھی 0.12 ڈالر کے اضافہ کے ساتھ 18.50 ڈالر فی اونس پر پہنچ گئی ہے۔