شامی صدر کی اہلیہ اسماء اسد موذی مرض میں مبتلا

شامی خاتون اول اسماء اسد بریسٹ کینسر میں مبتلا ہیں ۔ شامی ذرائع ابلاغ نے بدھ کے روز اس خبر کا انکشاف کرتے ہوئے بتایا کہ بشار الاسد کی اہلیہ کو بریسٹ کینسر کے مرض میں مبتلا ہیں ، جس کے بعد اس موذی مرض کے پہلے درجے کا علاج شروع کر دیا گیا ہے۔

شام کی سرکاری خبر رساں ایجنسی کی جانب سے 42سالہ اسماء اسد کی مسکراتے چہرے والی تصاویر جاری کی گئی ہیں جس میں وہ شوہر کے ساتھ کسی ہسپتال میں کرسی پر بیٹھی ہیں اور ان کے بائیں ہاتھ پر کینولا لگا ہوا ہے۔

ادھر شامی صدر کے سرکاری انسٹاگرام اکاؤنٹ سے جاری کردہ بیان میں بتایا گیا ہے کہ’’اسماء اسد کے سینے میں سرطان کی تشخیص ہوئی ہے۔ مرض ابھی ابتدائی مرحلے میں ہے اور اس کا علاج شروع کر دیا گیا ہے۔‘‘

شامی خاتون اول بننے سے پہلے اسماء اسد بینکنگ کے شعبے سے وابستہ تھیں، ان کے شامی والدین لندن میں مقیم ہیں وہیں ان کی پیدائش ہوئی ، بشار الاسد سے ان کی شادی سنہ 2000ء میں ہوئی تھی۔