سعودی عرب کے 250,000 شہریوں کو عمرہ کرنے کی اجازت

سعودی عرب کے وزارت حج وعمرہ نے منگل کو اعلان کیا ہے کہ دوسرے مرحلے میں دھیرے دھیرے 250,000 گھریلو زائرین کو عمرہ کرنے کی اجازت دے گا۔

گلف نیوز نے بتایا ہےکہ 18 اکتوبر کو عمرہ کا دوسرا مرحلہ شروع ہوگا جبکہ تیسرے مرحلے میں غیرملکی زائرین کو یکم نومبر سے سفر کرنے کی اجازت دی ہے۔ انہوں نے مزید بتایا کہ بیرون ممالک سے آنےوالے زائرین کے کوٹے کا بھی بعد میں اعلان کیا جائے گا۔

انہوں نے ایک بیان میں بتایا کہ جو زائرین عمرہ کرنا چاہتے ہیں انہیں پرمٹ حاصل کرنے کے لئے اعتمرناایپ کے ذریعہ سے اپنےآپ کو رجسٹرڈکرنا ہوا۔ بیرون ممالک سے آنے والے زائرین کو یکم نومبر سے عمرہ کرنے کی اجازت دی جائے گی۔

حج اور عمرہ کے لئے نیشنل کمیٹی کے رکن ہانی العمری نے بتایا کہ زائرین کو مدینہ میں مسجد نبوی میں بھی جانے کی اجازت دی جائے گی۔

واضح رہےوبائی کورونا وائرس کی وجہ سے اس سال حج بھی محدود انداز میں ادا کیا گیاتھا۔وبا کے پھیلتےہی پوری دنیا کی پروازیں بند کر دی گئی تھیں اور اب کچھ ممالک نے بہت محدود اندازمیں بین الاقوامی اور گھریلو پروازیں شروع کی ہیں۔ تمام عبادت گاہیں بندکردی گئی تھیں جس کی وجہ سے لوگ عمرہ کی سعادت سے بھی محروم ہو گئے تھے لیکن اب حالات بہتر ہونے کی وجہ سے سعودی حکومت نے احتیاط کےساتھ عمرہ کی اجازت دینی شروع کر دی ہے۔