اسرائیلی میزائل نے دمشق کو نشانہ بناکر حملہ کیا
دمشق میں آدھی رات کے بعد کئی دھماکوں کی آوازیں سنی گئیں، بعد میں سرکاری ٹی وی نے تصدیق کی کہ یہ دمشق کے آس پاس میں ایک اسرائیلی میزائل حملہ تھا۔
فائل تصویر آئی اے این ایس
اسرائیلی میزائلوں نے سنیچر کی صبح شام کے دارالحکومت دمشق کے ارد گرد فوجی اہداف کو نشانہ بنایا، جو شام کے خلاف اسرائیلی حملوں کے سلسلے میں یہ تازہ ترین ہے۔ یہ معلومات ژنہوا نے ہفتے کے روز شام کے قومی ٹی وی کے حوالے سے دی ہے۔
دمشق میں آدھی رات کے بعد کئی دھماکوں کی آوازیں سنی گئیں، بعد میں سرکاری ٹی وی نے تصدیق کی کہ یہ دمشق کے آس پاس میں ایک اسرائیلی میزائل حملہ تھا۔
دریں اثنا، شامی فوج نے ایک مختصر بیان میں کہا کہ مقامی وقت کے مطابق دوپہر تقریباً 1:35 بجے 'اسرائیلی دشمن' نے مقبوضہ شام کی گولان کی پہاڑیوں کی سمت فضائی حملہ کیا اور دمشق کے اطراف میں کچھ فوجی ٹھکانوں کو نشانہ بنایا۔
بیان کے مطابق فضائی دفاع نے زیادہ تر میزائلوں کو مار گرایا ہے۔ حالیہ برسوں میں، اسرائیل نے شام میں ایران سے منسلک اہداف کے خلاف سینکڑوں فضائی حملے کیے ہیں، جن میں ایران کی حمایت یافتہ لبنانی ملیشیا حزب اللہ کے لیے ہتھیار لے جانے والے قافلے بھی شامل ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔