حج کے آخری مرحلے میں حجاج کی منیٰ میں جمرہ عقبہ کے مقام پر رمی جمرات کے مناسک کی ادائیگی

مکہ مکرمہ: سعودی عرب میں عید الاضحیٰ کے پہلے دن 18 لاکھ سے زاید حجاج کرام نے منیٰ کے مقام پر جمرہ عقبہ میں رمی جمرات کے مناسک ادا کرنا شروع کر دئے۔

العربیہ ڈاٹ نیٹ کی رپورٹ کے مطابق، ہفتے کی رات حجاج کرام منیٰ اور عرفات کے درمیان واقع مزدلفہ کے میدان میں پتھر جمع کر کے کھلے آسمان کے نیچے سو گئے تھے، جس کے بعد صبح انہوں نے رمی کے بعد عید کی نماز ادا کی۔ ضیوف الرحمان نے جمرات کی چاروں منزلوں پر بغیر ہجوم یا ہلچل کے رمی شروع کی۔

سعودی حکومت کے اداروں کی طرف سے حجاج کرام کو رمی جمرات کے موقع پر ہر ممکن سہولت فراہم کی ہے۔ اس موقع پر تمام حفاظتی، صحت، ہنگامی اور سول ڈیفنس کی خدمات فراہم کی گئیں۔

اس کے علاوہ صحنوں میں حجاج کی نقل و حرکت کو منظم کرنے کے ذمہ دار سکیورٹی اہلکار بھی موجود تھے۔ یہ عملہ حجاج کرام کو رمی کی مختلف منزلوں کی طرف آمدورفت میں مدد اور رہمائی فراہم کرنے کے ساتھ ساتھ ہجوم کو منظم کر رہا ہے۔

حجاج کرام جمرہ عقبہ میں رمی کرنے کے بعد آج کے دن قربانی کی رسمیں ادا کریں گے۔ اس کے بعد مرد حاجی سر منڈوائیں گے۔ اس کے بعد طواف کعبہ کریں گے اور صفا اور مروہ کے درمیان سعی کریں گے۔

(بشکریہ العربیہ ڈاٹ نیٹ)