غزہ میں اسرائیل کے حملہ میں حماس کا کمانڈر شہید
سلامہ محمد دیف کے قریبی ساتھیوں میں سے ایک تھاجو 7 اکتوبر 2023 کو جنوبی اسرائیلی سرحد کے ذریعے حماس کے حملوں کے ماسٹر مائنڈز میں سے ایک تھا۔
![<div class="paragraphs"><p>فائل تصویر آئی اے این ایس</p></div>](https://media.assettype.com/qaumiawaz%2F2024-07%2F8b464879-1453-499b-80c1-eb69ba08674c%2FGaza%20airstrikes.jpg?rect=0%2C0%2C919%2C517&auto=format%2Ccompress&fmt=webp)
فائل تصویر آئی اے این ایس
اسرائیل نے ہفتے کے روز غزہ پٹی میں فضائی حملے میں حماس کے خان یونس بریگیڈ کے کمانڈر رافع سلامہ کو شہید کر دیا۔اسرائیلی سکیورٹی فورسز نے اتوار کو اس کی تصدیق کی۔اسرائیلی فوج اور شن بیٹ کی داخلی سلامتی ایجنسی نے ایک بیان میں کہا ہے کہ سلامہ خان یونس کے علاقے میں مارے گئے۔
غزہ میں محکمہ صحت کے حکام کے مطابق ہفتے کے روز اسرائیلی جنگی طیاروں نے خان یونس کے علاقے مواسی میں بے گھر افراد کے خیموں پر بمباری کی جس کے نتیجے میں کم از کم 90 فلسطینی ہلاک اور 300 زخمی ہو گئے۔ ان میں زیادہ تر خواتین اور بچے تھے۔
اسرائیلی میڈیا نے اطلاع دی ہے کہ حماس کے عسکری ونگ کے کمانڈر محمد دیف اور سلامہ اسرائیلی فضائی حملے کا نشانہ تھے۔اسرائیل نے دیف کی حالت کی تصدیق نہیں کی ہے لیکن حماس کے ایک اہلکار نے اتوار کو کہا کہ دیف حالیہ حملے میں بچ گئے ہیں۔
فوج نے کہا، "سلامہ محمد دیف کے قریبی ساتھیوں میں سے ایک تھا۔انہوں نے مزید کہا کہ وہ 7 اکتوبر 2023 کو جنوبی اسرائیلی سرحد کے ذریعے حماس کے حملوں کے ماسٹر مائنڈز میں سے ایک تھا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔