اردن کی وجہ سے نیتن یاہو کا یواے ای کا دورہ ایک مرتبہ پھر ملتوی
نتن یاہو کے طیارے کو اردن کے ہوائی علاقے سے گزرنا تھا لیکن کچھ عدم اتفاق ہونے کی وجہ سے ان کا یو اے ای مجوزہ دورہ ملتوی کر دیا گیا ہے۔
اسرائیل اور متحدہ عرب امارات کے مابین گزشتہ اگست میں سفارتی تعلقات قائم ہوئے تھے اور اسرائیلی وزیر اعظم بنجامن نیتن یاہو یو اے ای جانے والے تھے لیکن مجوزہ دورہ ایک مرتبہ پھر ملتوی ہو گیا ہے۔ اسرائیل نے جمعرات کو بتایا کہ ہمسایہ ملک اردن کے ساتھ ہوائی علاقے کی بابت کچھ عدم اتفاق ہونے کی وجہ سے وزیراعظم بنجامن نتن یاہو کا یواے ای کا مجوزہ تاریخی دورہ ملتوی کر دیا گیا ہے۔
مسٹر نتن یاہو کے دفتر نے ایک بیان جاری کرکے یہ اطلاع دی۔ بیان کے مطابق مسٹر نتن یاہو کے طیارے کو اردن کے ہوائی علاقے سے گزرنا تھا لیکن کچھ یقینی عدم اتفاق ہونے کی وجہ سے ان کا یو اے ای مجوزہ دورہ ملتوی کر دیا گیا ہے۔ مسٹر نتن یاہو کے یو اے ای دورے کی یو اے ای کے افسران سے بات چیت کرکے دوبارہ دورے کا منصوبہ بنایا جائے گا۔
واضح رہے اردن کے شہزادہ حسین عبد اللہ نے حال ہی میں مسجد الاقصی جانے کے لئے اسرائیل کا دورہ کیا تھا اور اسرائیلی حکومت نے ان کو جانے کی اجازت دے دی تھی لیکن بعد میں اسرائیل نے کہا کہ ان کے گارڈس زیادہ ہیں اس لئے تمام گارڈس کو اندر جانے کی اجازت نہیں ہوگی جس پر شہزادہ نے ناراض ہو کر دورہ کینسل کر دیا تھا اور وہ واپس چلے گئے تھے ۔مبصرین کی رائے میں دونوں ممالک کے مابین عدم اتفاق کی وجہ یہی ہے۔
خبروں کے مطابق اردن نے بعد میں اسرائیلی وزیر اعظم کے طیارہ کو جانے کی اجازت دے دی تھی لیکن دورہ ملتوی کرنے کی دوسری وجہ نیتن یاہو کی اہلیہ کی طبعیت خرابی رہی۔ مسٹر نتن یاہو کی بیوی سارہ کو پیٹ میں انفیکشن ہونے کی وجہ سے یروشلم کے هداسا میڈیکل سینٹر میں داخل کروایا گیا تھا۔
اسرائیل اور یواے ای کے مابین گزشتہ برس اگست میں ایک تاریخی معاہدہ ہواتھا۔ جس میں دونوں ممالک نے مکمل طور سے سفارتی تعلقات کو بحال کرنے پر رضامندی ظاہر کی تھی۔ اس سے قبل نیتن یاہو کے تین مرتبہ یو اے ای کے دورے ملتوی ہو چکے ہیں ۔ واضح رہےگزشتہ تین دہائیوں میں اسرائیل کے ساتھ سفارتی تعلقات کوبحال کرنے کااعلان کرنے والا یواے ای تیسراملک ہے۔
مسٹر نیتن یاہو کا یہ مجوزہ دورہ ایسے وقت میں ہورہا ہے جب اسرائیل میں صرف دو ہفتے بعد انتخابات ہونے والے ہیں۔ اسرائیل میں دوسال کے اندر یہ چوتھی مرتبہ الیکشن ہوگا۔
قابل ذکر ہے کہ اگست 2020 میں اس وقت کے امریکی صدر ڈونالڈ ٹرمپ کی ثالثی کی وجہ سے اسرائیل اور یواے ای کے درمیان ایک پرامن معاہدہ ہواتھا جس میں دونوں ممالک نے مکمل طور سے سفارتی تعلقات کو بحال کرنے پررضامندی ظاہرکی تھی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔