ایس پی-بی ایس پی اتحاد یو پی میں بڑی جیت درج کرے گا: راج بھر

بلیا: اترپردیش کی یوگی آدتیہ ناتھ حکومت میں کابینی وزیر اور سہیل دیو سماج پارٹی کے سربراہ اوم پرکاش راج بھر نے معلق لوک سبھا کی پیشین گوئی کرتے ہوئے کہا کہ اترپردیش میں سماج وادی پارٹی (ایس پی) اور بہوجن سماج پارٹی (بی ایس پی) اتحاد بڑی جیت حاصل کرے گا۔

میر گنج پرائمری کالج پر بنے بوتھ پر پولنگ کرنے کے بعد راج بھر نے اتوار کو صحافیوں سے کہا کہ اس بار لوک سبھا انتخاب میں کسی بھی پارٹی کو اکثریت حاصل نہیں ہو گی، لیکن اتنا طے ہے کہ اترپردیش مییں اتحاد بڑی جیت حاصل کرے گا۔ انتخاب سے پہلے سیٹوں کی تقسیم کو لے کر بی جے پی سے ناراض چل رہے راج بھر نے موجودہ انتخاب میں اپنی پارٹی کے 39 امیدواروں کو انتخابی میدان میں اتارا ہے۔

انہوں نےکہا کہ ہماری حمایت کے بغیر بی جے پی کو پوروانچل کی کم سے کم 30 سیٹوں کا نقصان ہوگا۔ بی جے پی اترپردیش میں 15 سیٹوں پر سمٹ جائے گی جبکہ اتحاد 55 سے 60 سیٹیں حاصل کرے گا۔