راہل کا ’شاہ -زادہ‘ کے بعد ’شوریہ گاتھا‘ پر نشانہ

امت شاہ کے بیٹےجئے شاہ کی کمپنی کے بے تحاشہ منافع کا معاملہ ابھی ٹھنڈا بھی نہیں ہوا ہے کہ اب اجیت ڈووال کے بیٹے شوریہ کی کمپنی پر سوال اٹھنے شروع ہو گئے ہیں۔ راہل گاندھی نے جئے شاہ کو مسلسل ’شاہ-زادہ‘ کہہ کر امت شاہ پر نشانہ لگایا تھا اب انہوں نے شوریہ کے معاملہ پر بھی اپنے طریقہ سے نشانہ لگایا ہے۔ ٹوئٹ کے ساتھ راہل گاندھی نے ’قومی آواز ‘کے ساتھی ادارے ’نوجیون ‘کی اس خبر کو بھی شیئر کیا ہے جس میں اجیت ڈووال کے بیٹے کے حوالے سے حیران کن انکشاف کئے گئے ہیں۔ خبر کے مطابق این ایس اے ڈووال کے بیٹے شوریہ ڈووال کی تنظیم ’انڈیا فاؤنڈیشن ‘ میں مودی حکومت کے وزراء کے شامل ہونے اور فاؤنڈیشن کو ملکی و غیر ملکی کمپنیوں سے منافع پہنچنے کا دعویٰ کیا گیا ہے۔

راہل گاندھی نے ٹوئٹ کرتے ہوئے لکھا ہے، ’’ شاہ-زادہ کی زبردست کامیابی کے بعد بی جے پی کی نئی پیشکش – اجیت شوریہ گاتھا(داستان)‘‘۔

’شوریہ گاتھا‘ پر تفصیلی خبر یہاں پڑھیں... اجیت ڈووال کے بیٹے شوریہ کا ’انڈیا فاﺅنڈیشن‘ سوالوں کے گھیرے میں