دہلی میں کورونا کے 25 ہزار سے زیادہ نئے معاملے ، 161 اموات

دارالحکومت دہلی میں گزشتہ 24 گھنٹوں کے دوران کورونا وائرس کے معاملوں میں اضافہ جاری ہے اور 25 ہزار سے زیادہ نئے معاملے رپورٹ ہوئے ہیں اور 161 مزید مریضوں کی موت ہوگئی ہے جبکہ فعال معاملے 74،941 سے زیادہ ہوگئے ہیں۔

اس عرصے کے دوران دہلی میں متاثرہ افراد کی تعداد 8،53،460 ہوگئی ہے اور مرنے والوں کی تعداد 12،121 ہوگئی ہے۔ ہفتہ کو مثبت شرح 24.56 فیصد ریکارڈ کی گئی جو اتوار کو بڑھ کر 29.74 ہوگئی۔

گذشتہ روز 85،620 افراد کا ٹسٹ کیا گیا تھا جبکہ اس عرصے کے دوران 20،159 صحت یاب ہوئے ہیں اور اب تک مجموعی طور سے 7،66،398 افراد اس مرض سے صحتیاب ہوچکے ہیں۔ دریں اثنا دارالحکومت میں کنٹیمنٹ زون کی تعداد بڑھ کر 13،259 ہوگئی ہے۔

اس درمیان 67،448 افراد کو ٹیکے لگائے ہیں۔ ریاست میں اب تک مجموعی طور سے 25،65،918 افراد کو ٹیکے لگائے جاچکے ہیں۔