وی بی اے کےسبب کانگریس۔این سی پی کو 10 سیٹوں کا نقصان ہوا

اورنگ آباد: مراٹھواڑہ علاقے میں مہاراشٹر کے اسمبلی انتخابات کے نتائج سے پتہ چلتا ہے کہ ایڈووکیٹ پرکاش امبیڈکر کی قیادت میں ونچت بہوجن اگھاڑی (وی بی اے) نے یہاں تقریباً دس سیٹوں پر الیکشن لڑا جس سے کانگریس اور نیشنلسٹ کانگریس پارٹی (این سی پی) کو 09 سے10 سیٹوں کا نقصان ہوا۔

اسمبلی انتخابات کے نتائج کے مطابق امبیڈکر کی وی بی اے نے اس علاقے کی 46 اسمبلی سیٹوں پر الیکشن لڑا اور مراٹھواڑہ میں کانگریس۔ این سی پی اتحاد کے امیدواروں کے سیکولر ووٹ کوتقسیم کر دیاجس کا فائدہ بھارتیہ جنتا پارٹی(بی جے پی)۔ شیو سینا کو ہوا تھا۔

بی جے پی کے اتحاد کو اس علاقے میں 30 سیٹیں ملیں اور 16 سیٹوں پر کانگریس۔این سی پی اتحاد کوکامیابی ملی۔ عثمان آباد، پھولمبری، تولجاپور، جیورائی، پیٹھن، جنتور، ہنگولی، قلم نوری اور ناندیڑ (جنوب)سے کانگریس۔ این سی پی اتحاد کو نقصان ہوا۔

ان انتخابی حلقوں میں حتمی نتائج کے مطابق، وی بی اے کے امیدواروں نے کانگریس۔این سی پی اتحاد کے امیدواروں کی شکست کے فرق سےزیادہ ووٹ حاصل کیے۔ وی بی اے کی وجہ سے این سی پی کے ہارنے والے امیدواروں میں وجے بنبلے(جِنٹور)،دتہ گورڈے(پیٹھن)، سنجے نِمبالکر(عثمان آباد) اور وجے سنگھ پنڈت (گیورائی) شامل ہیں۔

کانگریس کے ہارنے والے امیدواروں میں مدھوکر چوہان(تُلجاپُرکر)، ڈی پی ساونت(ناندیڑ جنوب)، کلیان کالے(پیٹھن)، باجی راؤ (ہنگولی) اور این ڈی سنتوش (قلم نوری)شامل ہیں۔ علاوہ ازیں اورنگ آباد وسط سے اے آئی ایم آئی ایم کے امیدوار بھی وی بی اے کی وجہ سے الیکشن ہار گئے۔