پاکستان واقع بلوچستان یونیورسٹی کے باہر بڑا دھماکہ، ایک ہلاک، متعدد زخمی

پاکستان کے جنوب مغربی بلوچستان علاقہ میں پیر کی دوپہر ایک پولیس وین کے پاس ہوئے بم دھماکہ میں ایک پولیس اہلکار کی موت ہو گئی اور درجنوں لوگوں کے زخمی ہونے کی اطلاع ہے۔ جانکاری کے مطابق یہ دھماکہ کوئٹہ کے سریاب روڈ کے پاس بلوچستان یونیورسٹی کے مین گیٹ کے باہر ہوا۔ فی الحال پولیس معاملے کی جانچ میں مصروف ہے۔

افسران نے بتایا کہ کوئٹہ کے سریاب روڈ پر بلوچستان یونیورسٹی کے پاس پیر کو ہوئے دھماکہ میں ایک پولیس اہلکار شہید ہو گیا، جب کہ 17 لوگ زخمی ہو گئے۔ واقعہ کی اطلاع ملتے ہی لاء انفورسمنٹ ایجنسیاں اور بچاؤ افسر جائے حادثہ پر پہنچے ہیں۔ سیکورٹی افسران نے علاقے کی گھیرابندی بھی کر دی تھی۔

بلوچستان حکومت کے ترجمان لیاقت شاہوانی نے کہا کہ یونیورسٹی کے گیٹ کے باہر تعینات ایک پولیس ٹرک کو نشانہ بنایا گیا اور موٹر سائیکل میں دھماکہ خیز مادہ رکھا گیا تھا۔ انھوں نے کہا کہ دھماکہ کے لیے ذمہ دار لوگوں کو گرفتار کر انصاف کے کٹہرے میں کھڑا کیا جائے گا۔ سول اسپتال کے مطابق زخمیوں میں 13 پولیس افسر اور چار عام لوگ شامل ہیں۔

اس درمیان پاک کے داخلی امور کے وزیر شیخ راشد احمد نے واقعہ کی تنقید کی اور کہا کہ انھوں نے بلوچستان آئی جی پی سے رپورٹ مانگی ہے۔ انھوں نے شہید افسر کی فیملی کے تئیں ہمدردی کا اظہار بھی کیا۔ انھوں نے کہا کہ ’’ہم دہشت گردوں کو علاقہ میں موجود امن کو ختم کرنے کی اجازت نہیں دیں گے۔ فیڈرل حکومت مقامی حکومت کو وسائل اور مدد فراہم کرے گی۔‘‘