ایرون فنچ دس سنچریاں بنانے والے پچاسویں بلے باز

ایرون فنچ ایک روزہ بین الاقوامی کرکٹ میں دس یا اس سے زیادہ سنچریاں بنانے والے کھلاڑیوں میں شامل ہوگئے ہیں۔ انگلینڈ کے خلاف برسبین میں کھیلے گئے دوسرے ایک روزہ بین الاقوامی میچ میں انہوں نے114 بالوں پرنو چوکوں اور ایک چھکے کی مدد سے106 رن بناکر یہ اعزاز حاصل کیا۔

ایرون فنچ ایک روزہ بین الاقوامی کرکٹ میں دس یا اس سے زیادہ سنچریاں بنانے والے آسڑیلیا کے چھٹے اور کل ملاکر پچاسویں بلے باز بنے۔

دائیں ہاتھ کے اس افتتاحی بلے باز نے آسڑیلیا کے لئے سب سے کم اننگوں میں اور کل ملاکرپانچویں سب سے کم اننگوں میں دس سنچریاں بنانے والے بنے۔ اس سے پہلے آسڑیلیا کے لیے سب سے کم اننگوں میں دس سنچریاں بنانے کا عزازڈیوڈ وارنر کے پاس تھا جنہوں نے85 ویں اننگ کے دوران ایسا کیا تھا۔

ایرون فنچ نے ابھی تک جو87 ایک روزہ بین الاقوامی میچ کھیلے ہیں انکی83 اننگوں میں38.26 کی اوسط کے ساتھ دس سنچریوں اور 17 نصف سنچریوں کی مدد سے 3138 رن بنائے ہیں۔

ڈیوڈ وارنر نے ابھی تک جن103 ایک روزہ بین الاقوامی میچ کھیلے ہیں انکی101 اننگوں میں44.40کی اوسط کے ساتھ14 سنچریوں اور 17 نصف سنچریوں کی مدد سے 4307رن بنائے ہیں۔ انہوں نے اپنی دسویں سنچری85 ویں اننگ میں بنائی تھی۔

سب سے کم اننگوں میں دس سنچریاں بنانے والے بلے باز جنوبی افریقہ کے کونٹن ڈی کوک ہیں جنہوں نے اپنی دسویں سنچری 55 ویں ایک روزہ بین الاقوامی میچ کی 55 ویں اننگ میں اسکور کی تھی۔ کل ملاکر انہوں نے ابھی تک 13 سنچریاں بنائی ہیں۔

ایک روزہ بین الاقوامی کرکٹ میں سب سے کم اننگوں میں دس سنچریاں بنانے والے دوسرے بلے باز کا تعلق بھی جنوبی افریقہ سے ہے۔ ہاشم آملہ نے اپنی دسویں سنچری 59 ویں ایک روزہ بین الاقوامی میچ کی 57 ویں اننگ میں اسکور کی تھی۔ کل ملاکر انہوں نے ابھی تک 26 سنچریاں بنائی ہیں۔

ایک روزہ بین الاقوامی کرکٹ میں12 سنچریاں بنانے والے ہندوستان کے شیکھر دھون نے اپنی دسویں سنچری78 ویں ایک روزہ بین الاقوامی میچ کی 77 ویں اننگ میں اسکور کی تھی۔

ہندوستان کے وراٹ کوہلی ایک روزہ بین الاقوامی کرکٹ میں سب سے کم اننگوں میں دس سنچریاں بنانے والے کھلاڑیوں میں چوتھے مقام پر ہیں انہوں نے ایسا 83ویں ایک روزہ بین الاقوامی میچ کی 80 ویں اننگ میں کیا تھا۔ ابھی تک انہوں نے32 سنچریاں اسکور کی ہیں جو موجودہ کھلاڑیوں میں سب سے زیادہ ہیں۔