حسینہ عالم اداکارہ نہیں ڈاکٹر بننے کی خواہش مند

مانوشی نے مزید کہا کہ وہ خصوصی طورپرخواتین کو درپیش پیچیدہ امراض کے بارے میں کام کرنا چاہتی ہیں۔ ہندوستان کو17 سال کے وقفہ کے بعد عالمی حسینہ کا خطاب دلانے والی چھیلر ممبئی آمد کے بعد صحافیوں سے گفتگو کررہی تھیں۔

انہوں نے واضح طورپر کہا کہ ہندی فلموں میں اداکاری کے جوہر دکھانے کے سلسلے میں فی الحال سوچا نہیں ہے اور یہ بات انکے ذہن میں نہیں ہے، بلکہ ’پروجیکٹ شکتی‘ کے تحت خواتین کے طبّی مسائل پر اور خصوصی طورپر دیہی علاقوں کی خواتین کے سینٹری پیڈ کے تعلق سے بیداری پیدا کرنے کے لیے کام کرنے پر غورکرہی ہیں۔ اور اس کے لیے ڈاکٹر کا نوبل پیشہ اختیار کرنے پر غورکررہی ہیں۔

انہوں نے مزید کہا کہ فلموں میں کام کرنے کے بارے میں کوئی سوچ نہیں ہے، لیکن اگر ایسا موقعہ آیا تو وہ عامر خان کی فلم میں اداکاری کرنا چاہیں گی کیونکہ ان کی فلمیں سماجی مسائل پر مبنی ہوتی ہیں۔ انہوں نے فلموں میں خوبصورت اداکار کے بارے میں پوچھے گئے سوال کے بارے میں کہا کہ کسی کے بارے میں مخصوص طورپر نہیں کہا جاسکتا ہے۔ مانوشی نے کہاکہ یہ خوبصورت چہرے کا نہیں بلکہ خوبصورت دل کا مقابلہ تھا۔