ویڈیو: غازی پور بارڈر پر احتجاج، ’سرکار ہی بل لے کر آئی، سرکار ہی بل واپس کرے گی‘

ٍقازرعی قوانین کے خلاف دہلی کی سرحدوں پر کسان گزشتہ 50 دنوں سے سراپا احتجاج بنے ہوئے ہیں۔ دہلی کے سنگھو بارڈر، ٹیکری بارڈر اور غازی پور بارڈر پر بڑی تعداد میں کسانوں نے ڈیرہ ڈالا ہوا ہے اور قوانین واپسی تک گھر واپس نہ لوٹنے کا اعلان کیا ہے۔

ایڈیٹر سید خرم رضا سمیت قومی آواز کی ایک ٹیم نے گزشتہ روز غازی پور بارڈر کا دورہ کیا اور کسانوں سے بات چیت کی۔ کسانوں نے قومی آواز کو بتایا کہ ان کا ایک ہی مطالبہ ہے کہ مرکزی حکومت اپنے تینوں زرعی قوانین کو واپس لے۔ کسانوں کا اپنی تحریک، سپریم کورٹ کی تشکیل کردہ کمیٹی اور دیگر مطالبات پر کیا کہنا ہے، جاننے کے لئے دیکھیں ویڈیو: