’میں نہیں کہوں گی کہ بی جے پی کو ووٹ کرو‘، اوما بھارتی کے بیان سے بی جے پی حیران، دیکھیں ویڈیو

شراب بندی کو لے کر مدھیہ پردیش بی جے پی کی پریشانی لگاتار بڑھانے والی پارٹی کی شعلہ بیان لیڈر اوما بھارتی نے ان دنوں بی جے پی کے لیے ایک نئی پریشانی کھڑی کر دی ہے۔ دراصل اوما بھارتی کی ایک ویڈیو سوشل میڈیا پر وائرل ہو رہی ہے جس میں وہ لودی سماج سے کہتی دکھائی دے رہی ہیں کہ ’’میں لودی سماج کو سیاسی بندھن سے آزاد کرتی ہوں، میں انتخاب میں آؤں گی، اسٹیج سے خطاب کروں گی، لیکن یہ نہیں کہوں گی کہ لودھیو تم بی جے پی کو ووٹ کرو۔ میں سبھی سے کہتی ہوں کہ تم بی جے پی کو ووٹ کرو، کیونکہ میں تو اپنی پارٹی کی وفادار سپاہی ہوں۔ لیکن میں آپ سے تھوڑی امید کروں گی کہ آپ پارٹی کے وفادار سپاہی ہوں گے۔ اب آپ کو اپنے آس پاس کے مفاد کو دیکھنا ہے۔‘‘ ان کے اس بیان کی ویڈیو سوشل میڈیا پر خوب وائرل ہو رہی ہے۔