ویڈیو: ہر ایک بات پہ کہتے ہو تم کہ تو کیا ہے...

وزیر اعظم نریندر مودی نے گزشتہ دن پارلیمنٹ میں صدر جمہوریہ کی تقریر کے بعد شکریہ کی تجویز کے دوران اپنے خطاب میں کچھ ایسی باتیں کہہ ڈالیں جس نے عوام کو حیران کر کے رکھ دیا۔ وزیر اعظم نے کہا کہ ملک میں ایک نیا کلچر پیدا ہو رہا ہے، جس طرح ’بدھی جیوی‘ اور ’شرم جیوی‘ ہوتے ہیں، ویسے ہی ’آندولن جیوی‘ سامنے آئے ہیں، اور ان مظاہروں میں شامل ہونے والے لوگ ’پر جیوی‘ ہیں۔ یہ الفاظ وزیر اعظم جیسے بڑے آئینی عہدے پر بیٹھے شخص کے منھ سے نکلے ہیں... ملک حیران ہے۔

دراصل وزیر اعظم کے ذریعہ مظاہرہ کرنے والوں کو ’آندولن جیوی‘ اور ’پر جیوی‘ کہنا عدم اتفاق کی آوازوں کی بے عزتی کرنا ہے۔ انصاف کے لیے لڑنے والے شہریوں، حقوق کے لیے سامنے آنے والے لوگوں اور آئینی آزادی کے لیے آواز اٹھانے والوں پر نشانہ ہے۔ وزیر اعظم کے ذریعہ اداکردہ ان الفاظ کے تعلق سے ’قومی آواز‘ کے قارئین کے لیے پیش ہے یہ ویڈیو...