پیرس اولمپکس: رمیتا-ارجن اور ایلاویلن-سندیپ 10 میٹر ایئر رائفل مکسڈ ٹیم میں 6ویں اور 12ویں مقام رہے

چیٹوروکس: ہندوستان 10 میٹر ایئر رائفل مکسڈ ٹیم ایونٹ کے لئے کوالیفائی نہیں کر سکا اور اس کی پہلے ہی دن تمغے کے ساتھ شروعات کرنے کی امید پر پانی پھر گیا ہے کیونکہ شوٹنگ میں ہندوستان کی شروعات خراب رہی۔

رمیتا جندال-ارجن بابوٹا اور ایلاوینل والاریوان-سندیپ سنگھ کی دو جوڑیاں ہفتہ کو پیرس اولمپکس میں 10 میٹر ایئر رائفل مکسڈ ٹیم کوالیفکیشن راؤنڈ کے فائنل کے لئے کوالیفائی کرنے میں ناکام رہیں۔

رمیتا اور ارجن نے 30 شاٹس کی سیریز میں کل 628.7 کا اسکور کیا، جبکہ ایلاوینل والاریون اور سندیپ سنگھ کی دوسری ہندوستانی ٹیم 626.3 پوائنٹس کے ساتھ 12ویں نمبر پر رہی۔

چین، کوریا، جرمنی اور قازقستان 10 میٹر ایئر رائفل مکسڈ ٹیم میڈل میچز میں مدمقابل ہوں گے۔ درجہ بندی میں صرف سرفہرست چار ٹیمیں ہی میڈل راؤنڈ میں آگے بڑھیں گی، پہلی اور دوسری پوزیشن حاصل کرنے والی ٹیمیں گولڈ میڈل کے لیے مقابلہ کریں گی۔