ڈی آر ڈی او نے ایس ایف ڈی آر میزائل کا کیا کامیاب تجربہ

چاندی پور: ڈیفنس ریسرچ اینڈ ڈیویلپمنٹ آرگنائیزیشن (ڈی آر ڈی او) نے گزشتہ روز ایس ایف ڈی آر میزائل کا کامیاب تجربہ کیا۔ سرکاری ذرائع نے یہ اطلاع دی ہے۔ اس میزائل کی حملہ کرنے کی استعداد 100-200 کلومیٹر ہے۔ ہندوستان اور روس دونوں نے ہی اس میزائل کو تیار کیا ہے۔

اوڈیشہ کے چاندی پور میں ڈی آر ڈی او نے جمعہ کے روز مشترکہ تجربہ رینج سے سالِڈ فیول ڈکٹیڈ رَیمجیٹ (ایس ایف ڈی آر) میزائل کا کامیاب تجربہ کیا۔ یہ میزائل ہندوستان اور روس کی جانب سے مشترکہ طور پر تیار کی گئی ہے۔ ڈی آر ڈی او افسران نے بتایا کہ گراؤنڈ بوسٹر موٹر سمیت تمام سب سسٹم امیدوں پر کھرے اترے اور انہوں نے بہتر مظاہرہ کیا۔

یہ میزائل زمین سے ہوا اور ہوا سے ہوا میں بہتر مظاہرہ کرنے اور ملک کی اسٹرائک رینج کو بڑھانے میں مدد کرے گی۔ اس میزائل کے حملہ کرنے کی استعداد 100-200 کلومیٹر ہے۔