عظیم حرم مکہ میں رمضان کے ماحول کی دل موہ لینے والی تصاویر

مکہ کے عظیم الشان حرم میں رمضان کا پر نور اور روحانیت سے معمور ماحول ان تصاویر میں دیکھا جا سکتا ہے جو حرمین شریفین کے امور کی صدارت کی جانب سے شائع کی گئیں۔ یہ تصاویر 22 رمضان 1444 ہجری کی رات کو لی گئی تھیں۔

ان تصاویر میں عازمین اور زائرین کی تعداد ، عبادت کے لیے انہماک اور ان کی آسانی کے لیے کیے گئے انتظامات اور حرم کے جمالیاتی پس منظر کے ساتھ ساتھ رمضان کی پرکیف فضا کو بھی دکھایا گیا ہے۔

دوسری جانب مکہ المکرمہ ریجن کے نائب امیر اور مرکزی حج کمیٹی کے وائس چیئرمین شہزادہ بدر بن سلطان نے ایک اجلاس میں آخری عشرے کی تیاریوں کے ساتھ ساتھ اس سال حج کے موسم 1444 ہجری کی تیاری کا بھی جائزہ لیا۔

انہیں رمضان المبارک کے آخری عشرہ میں حجاج کرام کی مکہ المکرمہ میں آمد اور رہائش سے متعلق ضروری خدمات کی فراہمی کے لیے سروس ایجنسیوں کی تیاری، مسجد الحرام میں ان کی عبادات کے انتظامات کے بارے میں بھی بریفنگ دی گئی۔

حرم میں ماہ رمضان کے آغاز سے اب تک 7 لاکھ 600 ہزار سے زائد کھانے اور 32 ہزار لیٹر سے زائد آب زمزم تقسیم کیا جا چکا ہے۔