امریکہ اور ہندوستان کے درمیان تعلیمی تعاون نئی بلندیوں کو چھو رہے

نئی دہلی: تعلیم کے میدان میں امریکہ اور ہندوستان کے درمیان دیرینہ قریبی تعلقات ہیں اور ابتدائی تعلیم سے لے کر گریجویٹ اور گریجویٹ کے بعد دونوں سطحوں پر دو طرفہ طلباء کی نقل و حرکت کو فروغ دینے کے لیے کئی طرح کی پہلوں پر ساتھ مل کر کام کرتے رہتے ہیں۔ یہ جاری تعاون اب خواتین کی نئی ایس ٹی ای ایم ایم فیلوشپ (سائنس، ٹیکنالوجی، انجینئرنگ، ریاضی اور طب) کے آغاز کے ساتھ وسعت حاصل کر رہا ہے، جو جانز ہاپکنز یونیورسٹی گپتا-کلنسکی انڈیا انسٹی ٹیوٹ اور یو ایس انڈیا الائنس فار وومن اکنامک امپاورمنٹ کے درمیان تعاون سے فروغ پا رہا ہے۔

اس کا مقصد ہندوستان میں ابتدائی کیریئر والی خاتون سائنس دانوں اور تحقیق کرنے والوں کو ان کے ایس ٹی ای ایم ایم میدانوں میں آگے لے جانے کے لیے ان کی مدد کرنا اور انھیں مضبوط اور با اختیار بنانا ہے۔ تعلیم میں اس سرمایہ کاری کے خاطر خواہ نتائج برآمد ہو رہے ہیں۔ اوپن ڈورز کی تازہ ترین رپورٹ 18 نومبر کو جاری کرتے ہوئے ہندوستان میں امریکی سفیر ایرک گارسیٹی نے اعلان کیا کہ 2009 کے بعد پہلی بار ہندوستان نے کسی بھی دوسرے ملک سے زیادہ طلبا کو امریکہ بھیجا ہے! 24-2023 میں 3 لاکھ 30 ہزار سے زیادہ ہندوستانیوں نے امریکہ میں اعلیٰ تعلیم حاصل کی ہے، جو پچھلے سال سے 23 فیصد زیادہ ہے۔