دہلی اسٹیٹ حج کمیٹی کے ایگزیکٹو آفیسر جاوید عالم خان کو صدمہ

نئی دہلی: دہلی اسٹیٹ حج کمیٹی کے ایگزیکٹو آفیسر جاوید عالم خان کے والد جلال الدین خان کا آج جمعرات کے روز انتقال ہو گیا۔مرحوم دہلی پولیس سے ریٹائر تھے اور کچھ عرصے سے طبیعت کافی ناساز چل رہی تھی۔

مرحوم جلال الدین بلند کردار اچھے اخلاق اور اوصاف حمیدہ کے مالک تھے اور فلاحی اور سماجی کاموں میں پیش پیش رہا کرتے تھے۔ ان کی جنازہ کی نماز مدرسہ باب العلوم جعفرآباد میں ادا کی گئی اور جعفرآباد کے قبرستان میں تدفین عمل میں آئی۔ تدفین کے وقت سینکڑوں افراد موجود رہے۔

حاضرین نے اللہ سے مرحوم کی مغفرت، جنت الفردوس میں اعلیٰ مقام عطا فرمانے اور پسماندگان کو صبر جمیل عطاء فرمانے کی دعا کی۔