دہلی حج کمیٹی کی چیئرپرسن کوثر جہاں نے لیفٹیننٹ گورنر وی کے سکسینہ سے کی ملاقات

نئی دہلی: دہلی اسٹیٹ حج کمیٹی کی چیئرپرسن کوثر جہاں نے دہلی کے لیفٹیننٹ گورنر ونے کمار سکسینہ کے ساتھ ایک خصوصی ملاقات کی۔ اس ملاقات میں انھوں نے آئندہ حج 2025 اور دیگر مسائل پر تبادلہ خیال کیا۔ کوثر جہاں اور وی کے سکیسنہ کے درمیان ہوئی اس ملاقات میں غیر رسمی گفتگو کا موضوع مختلف نکات پر مبنی تھا جس میں اقلیتی برادری سے متعلق امور بھی شامل تھے۔

واضح رہے کہ کوثر جہاں ایک محنتی سماجی و سیاسی کارکن کی حیثیت سے سماجی معاملات پر ہمیشہ سرگرم رہتی ہیں اور سوشل میڈیا و دیگر خبروں پر اپنی موجودگی کا احساس بھی دلاتی رہتی ہیں۔ اپنی فعالیت کی وجہ سے انہیں خواتین  قیادت میں ایک خاص مقام حاصل ہے۔