مولانا احمد رشاد کے انتقال پر جمعیت علماء ہند کی طرف سے تعزیت

جمعیۃ علماء ہند کا ایک وفد مولانا نیاز احمد فاروقی صاحب سکریٹری جمعیۃ علماء ہند کی قیادت میں دیوبند پہنچا اور وہاں مبلغ اسلام حضرت مولانا ارشاد احمد صاحب کے صاحب زادے مرحوم مولانا احمد رشاد صاحب کی نماز جنازہ اور تدفین میں شرکت کی۔

واضح ہو کہ مولانا احمد رشاد صاحب ممبئی سے دہلی آتے ہوئے ہوائی جہاز میں ہی انتقال فرما گیے، وہ یرقان کے مرض مبتلا تھے، مرحوم قائد جمعیۃ صدر جمعیۃ علماء ہند مولانا محمود اسعد مدنی صاحب کے نسبتی بھائی ہیں اور ابھرتے ہوئے نوجوان عالم دین صاحب زادہ مولانا سید حسین احمد مدنی کے ماموں تھے۔

اس موقع پر وفد نے مولانا مدنی اور مرحوم کے اہل خا نہ سے ملاقات کرکے ان کی خدمت میں تعزیت پیش کی۔ وفد میں مولانا فاروقی کے علاوہ مولانا نجیب اللہ قاسمی اور مولانا عظیم اللہ صدیقی بھی شامل تھے۔