گلوان پر حکومت بن رہی ’پہلوان‘، لیکن ’صاحب‘ تو کرتے رہے ہیں ’شی-حضوری‘، دیکھیں تصویریں

گلوان وادی میں 20 ہندوستانی فوجیوں کی شہادت نے پورے ملک کو ہلا کر رکھ دیا ہے۔ پورے ملک کے عوام اس واقعہ کی وجہ سے شدید غصہ میں ہیں اور ان کو سمجھ نہیں آ رہا کہ وہ کیا کریں۔ اپنے غصہ میں کچھ لوگوں نے شدت کے ساتھ چینی سامان کا بائیکاٹ کر دیا ہے اور کچھ اپنے جذبات کا اظہار سوشل میڈیا پر کر رہے ہیں۔ مرکزی حکومت سے چین کو سمجھنے میں کہاں غلطی ہوئی جس کی وجہ سے ہماری فوج کے 20 جوان شہید ہو گئے۔ ہندی نیوز پورٹل ’نوجیون انڈیا‘ نے وزیر اعظم نریندر مودی اور چینی صدر شی جن پنگ کے قریبی تعلقات کی تصاویر کے ذریعہ دیکھنے کی کوشش کی۔ ان تصاویر سے صاف ظاہر ہو رہا ہے کہ دونوں سربراہوں میں کافی قربت تھی، تو پھر ایسا کیا ہوا کہ ہمارے فوجیوں کی شہادت ہوئی۔ کیا اس سے مرکزی حکومت کی نااہلی پر سوال کھڑے ہوتت ہیں، کیا ہم ڈپلومیسی کے بنیادی اصولوں کو سمجھ نہیں پائے، کیا ہم شخصیت پرستی میں اور خود نمائی میں مصروف رہے۔ پیش خدمت ہے نیوز پورٹل نوجیون انڈیا کا یہ فوٹو فیچر۔