پاکستان: ہزاروں ویب سائٹ اور سم کارڈ سے کھیلا جا رہا تھا خطرناک کھیل، کیا گیا بند

پاکستانی پارلیمنٹ کی دفاعی امور کی اسٹینڈنگ کمیٹی کو بتایا گیا ہے کہ افسران نے ملک میں ہزاروں ویب سائٹ اور غیر مصدقہ سم کارڈوں کو بلاک کر دیا ہے۔ پاکستانی میڈیا میں شائع رپورٹ کے مطابق قومی انسداد دہشت گردی اتھارٹی (ناکٹا) نے کمیٹی کو بتایا کہ اسے نفرت بھرے پیغام پھیلانے والی 17116 ویب سائٹ کے خلاف شکایتیں ملیں۔ 2273 ویب سائٹ کو ہیٹ میٹریل، 1943 کو ہیٹ اسپیچ اور 68 ویب سائب کو دہشت گردی سے انسلاک کے سبب بلاک کیا گیا۔ اس کے ساتھ ہی ناکٹا نے 9 لاکھ 81 ہزار غیر مصدقہ سم کارڈ بھی بند کیے ہیں۔

کمیٹی کو وزارت برائے اطلاعات نے بتایا کہ ایف آئی اے ملک میں سائبر جرائم سے نمٹتی ہے جب کہ پاکستان ٹیلی کمیونکیشن اتھارٹی (پی ٹی اے) اس اشیاء کی جانچ کرتی ہے جسے ڈلیٹ کرنے کی ضرورت محسوس کی جاتی ہے۔ پی ٹی اے چیئرمین نے اراکین پارلیمنٹ سے کہا کہ جب اس کی جانکاری میں کوئی قابل اعتراض شئے کو لایا جاتا ہے تو پی ٹی اے کارروائی کرتی ہے۔ انھوں نے کہا کہ اس طرح کی زیادہ تر چیزیں پاکستان کےباہر سے، بیرون ممالک سے پوسٹ کی جاتی ہیں اور ان سائٹوں کو بلاک کر دیا جاتا ہے۔