بانیٔ فیس بک مارک زکربرگ کی بہن سے دوران پرواز چھیڑ خانی

غیرملکی خبر رساں ادارے کی رپورٹ کے مطابق بانیٔ فیس بک کی 35 سالہ بہن رینڈی زکربرگ گزشتہ دنوں الاسکا ایئرلائنز کی پرواز سے کیلیفورنیا سے میکسیکو کے شہر میزاٹلان جا رہی تھیں۔ اس دوران طیارے میں سفرکر رہےشراب کے نشے میں دھت ایک شخص نے انہیں جنسی طور پر ہراساں کرتے ہوئے ان کے ساتھ غیراخلاقی گفتگو کی اورجملے کسے۔

رینڈی زکربرک کا کہنا ہے کہ جب میں نے اس ناخوشگوار واقعے کے متعلق پرواز کے عملے سے شکایت کی تومعلوم ہوا کہ طیارے کا عملہ اس شخص کے اس رویے سے پہلے ہی آگاہ تھے۔ انھوں نے بتایا کہ میری شکایت پرکارروائی کرنے کے بجائے عملے نے میری سیٹ بدلنے کی کوشش کی۔

رینڈی زکربرگ نے جنسی ہراسانی کے اس ناخوشگوار واقعے پر الاسکا ایئرلائنز کو ایک شکایتی خط لکھا ہے جس کے جواب میں ایئرلائنز نے اپنے ٹوئٹر اکاﺅنٹ پر جواب دیتے ہوئے کہا کہ رینڈی زگربرک کی جانب سے لکھا گیا خط سنجیدہ نوعیت کا اور انتہائی پریشان کن ہے، ہم نے اس واقعے کی تحقیقات شروع کر دی ہے۔