’ایکس‘ نے ایرانی سپریم لیڈر خامنہ ای کا ’ہبرو اکاؤنٹ‘ معطل کر دیا

سوشل میڈیا پلیٹ فارم ’ایکس‘ پر ایران کے سپریم لیڈر آیت اللہ علی خامنہ ای کا ہبرو زبان والا اکاؤنٹ معطل کر دیا گیا ہے۔ ذرائع سے ملی جانکاری کے مطابق، خامنہ ای کے ذریعے کئے گئے دو پوسٹ کے بعد اس اکاؤنٹ پر یہ سخت کارروائی کی گئی ہے۔

دراصل اتوار کے ایک پوسٹ میں (جو حقیقی معنوں میں ان کی تقریر کا ایک چھوٹا سا اقتباس تھا) لکھا گیا تھا کہ ’’یہودی حکومت نے ایران پر حملہ کر کے غلطی کی ہے، اور ایران کے متعلق وہ اپنے تخمینوں میں غلطی کر رہے ہیں۔ وہ ایران اور ایرانی عوام کی طاقت کو سمجھنے میں غلطی کر رہی ہے۔‘‘ اس  سے ایک روز قبل یعنی ہفتہ کو کیے گئے ایک پوسٹ میں خامنہ ای نے لکھا تھا ’’بسم اللہ الرحمٰن الرحیم۔‘‘ ہبرو زبان میں دونوں پوسٹ اسرائیل کے ذریعہ ایران پر حملے کے بعد کئے گئے تھے۔

اکاؤنٹ کی معطلی پر ’ایکس‘ نے اپنی طرف سے ایک مختصر وضاحت دی ہے۔ اس کا کہنا ہے کہ اس اکاؤنٹ سے پوسٹ کیے جانے والے مواد اس کی پالیسیوں کی خلاف ورزی کر رہا ہے۔ تاہم مزید تفصیلات فراہم نہیں کی گئیں۔ غور کرنے والی بات یہ ہے کہ خامنہ ای کے سوشل میڈیا کی معطلی کا یہ پہلا موقع نہیں ہے۔ اس سے قبل فروری میں بھی میٹا نے اسرائیل پر حملے کے بعد حماس کی حمایت کے الزام میں ان کے فیس بک اور انسٹاگرام اکاؤنٹس کو معطل کر دیا تھا۔