شمالی کوریا کی حرکتیں اشتعال انگیزی: سلامتی کونسل

اقوام متحدہ : سلامتی کونسل کا اجلاس جاپان اور امریکہ کے مطالبے پر شمالی کوریا کے میزائل تجربے پر بحث کے لیے کل منعقد ہوا۔بند کمرے میں منعقدہ اس نشست میں اقوام متحدہ کے ڈپٹی سیکرٹری میروسلاو ینکا نت کونسل ارکان کو بریفنگ دی۔

اجلاس میں قبول کردہ پریس بریفنگ میں شمالی کوریا پر اقوام متحدہ کی نئی پابندیوں کے فیصلے کے محض تین دن بعد میزائل کے تجربے کو "اشتعال انگیزی" قرار دیتے ہوئے اس عمل کی مذمت کی گئی ہے۔جوہری سرگرمیوں کے خطے اور دنیا کی سلامتی کے لیے خطرہ تشکیل دینے پر زور دینے والے اعلامیہ میں شمالی کوریا سے اس قسم کی حرکتوں سے باز آنے کی اپیل کی گئی ہے تو اس ملک پر فیصلہ کردہ پابندیوں کا فی الفور اطلاق کیے جانے کا مطالبہ بھی کیا گیا ہے۔اس اجلاس کے بعد پریس کو بریفنگ دینے والے اقوام متحدہ میں روس کے مستقل مندوب واسیلی نبنزیا کا کہنا ہے کہ"اشتعال انگیز کاروائیوں اور نئی پابندیوں نے برائی کے چکر کی ماہیت اختیار کر لی ہے، اس مسئلے کا سفارتی حل تلاش کیا جانا چاہیے ، ہم چاہتے ہیں کہ اقوام متحدہ کے فیصلوں کا پوری طرح اطلاق کیا جائے۔

ادھر جاپانی مستقل مندوب کورو بیشو نے بھی اپنی بریفنگ میں کہا ہے کہ یہ تجربات جاپان اور پوری دنیا کی سلامتی کے لیے سنگین خطرہ تشکیل دیتے ہیں۔دوسری جانب اقوام متحدہ کی سیکریٹریٹ جنرل نے اعلان کیا ہے کہ شمالی کوریا نے امسال 19 بار بالسٹک میزائل کا تجربہ کیا ہے، جبکہ سلامتی کونسل اس حوالے سے 12 بار ہنگامی طور پر یکجا ہوئی ہے۔