’ٹائم‘ میگزین نے یوکرین کے صدر ولودمیر زیلینسکی کو منتخب کیا ’پرسن آف دی ایئر‘

روس اور یوکرین کے درمیان تقریباً ایک سال سے جنگ جاری ہے، اور اب ایک ایسی خبر سامنے آ رہی ہے جو یوکرینی صدر ولودمیر زیلینسکی کو تھوڑی بہت خوشی دے سکتی ہے۔ دراصل ’ٹائم‘ میگزین نے یوکرینی صدر ولودمیر زیلینسکی کو 2022 کے لیے ’پرسن آف دی ایئر‘ قرار دیا ہے۔ یہ اعلان ٹائم میگزین نے بدھ کے روز کیا۔

واضح رہے کہ یہ ایوارڈ اس شخص کو دیا جاتا ہے جس نے گزشتہ 12 ماہ میں عالمی واقعات پر سب سے زیادہ اثر ڈالا ہو۔ اس انعام کے لیے دیگر فائنلسٹ میں ایران کے مظاہرین، چین کے صدر شی جنپنگ، ایلن مسک اور یو ایس سپریم کورٹ شامل رہے۔

’ٹائم‘ میگزین کے ایڈیٹر ان چیف ایڈورڈ فیل سینتھل نے لکھا کہ ’’چاہے یوکرین کے لیے لڑی جا رہی لڑائی کسی کو امید سے بھر دے یا ڈر سے، ولودمیر زیلینسکی نے دنیا کو اس طرح سے ترغیب دی جیسا ہم نے دہائیوں میں نہیں دیکھا۔‘‘ انھوں نے مزید کہا کہ یوکرینی صدر کو چننے کا فیصلہ سب سے واضح تھا۔