سولوس چلما کی فائل تصویر، سوشل میڈیا
ملاوی کے نائب صدر سولوس چلما کو لے جا رہا ایک طیارہ آج لاپتہ ہو گیا۔ طیارہ میں چلما کے علاوہ 9 دیگر افراد بھی سوار تھے۔ اس طیارہ کے لاپتہ ہونے کی خبر پھیلتے ہی سوشل میڈیا پر دعاؤں کا سلسلہ شروع ہو گیا ہے۔ اس سلسلے میں ملاوی حکومت نے ایک بیان جاری کیا ہے جس میں بتایا ہے کہ ملاوی ڈیفنس فورسز کے ایک طیارہ نے لیلونگوے سے پرواز بھری تھی۔ طیارہ کو مُزوزو انٹرنیشنل ایئرپورٹ پر 10 بجے اترنا تھا، حالانکہ طیارہ کا رڈار سے رابطہ ٹوٹ گیا۔ جاری بیان میں کہا گیا ہے کہ ’’رڈار سے دور جانے کے بعد سے طیارہ سے رابطہ کرنے کی ہر کوشش اب تک ناکام رہی ہے۔‘‘
Published: undefined
بتایا جاتا ہے کہ طیارہ نے لیلونگوے سے مقامی وقت کے مطابق صبح 9.17 بجے پرواز بھری تھی اور اس میں 51 سالہ چلما کے ساتھ کچھ دیگر افراد بھی سوار تھے۔ ملاوی ڈیفنس فورسز کے کمانڈر جنرل ویلنٹنو پھیری نے صدر ڈاکٹر لاجر میکیرتھی چکویرا کو اس بارے میں مطلع کیا جس کے بعد صدر نے اپنا بہاماس کا دورہ ملتوی کر دیا ہے۔
Published: undefined
اس درمیان چکویرا نے مقامی اور قومی فورسز کو طیارہ کے ٹھکانے کا پتہ لگانے کے مقصد سے فوراً تلاشی و بچاؤ مہم شروع کرنے کا حکم دیا ہے۔ ابھی تک اس تعلق سے کچھ بھی پتہ نہیں چل سکا ہے کہ مُزوزو انٹرنیشنل ایئرپورٹ پر لینڈنگ سے عین قبل طیارہ کہاں غائب ہو گیا۔ اندیشہ ظاہر کیا جا رہا ہے کہ کسی تکنیکی خرابی کی وجہ سے طیارہ حادثہ کا شکار ہو گیا ہوگا۔ حالانکہ اس سلسلے میں فی الحال کچھ بھی مصدقہ طور پر نہیں کہا جا سکتا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined