سویڈن کے وزیر اعظم نے مذہبی کتابوں کو جلانے پر پابندی کو مسترد کیا

سویڈن کے وزیر اعظم الف کرسٹرسن نے کہا کہ سویڈن کا ڈنمارک کی طرح مذہبی کتابوں کو جلانے پر پابندی لگانے کا کوئی منصوبہ نہیں ہے، کیونکہ اس کے لیے ملکی آئین میں ترمیم کی ضرورت ہوگی۔

ڈنمارک کے وزیر انصاف پیٹر ہیملگارڈ نے جمعہ کو کہا کہ حکومت ملک میں مذہبی کتابوں کو جلانے پر پابندی لگانے کا ارادہ رکھتی ہے۔ اس کے جواب میں ڈنمارک کے وزیر خارجہ لارس لوک راسموسین نے کہا کہ یہ اقدام ایک اہم سیاسی اشارہ ہے جسے ڈنمارک دنیا کو بھیجنا چاہتا تھا۔

مسٹر کرسٹرسن نے کہا، شدید خطرات کے رابطہ میں آنے والا ہر ملک ان سے نمٹنے کا اپنا طریقہ منتخب کرتا ہے۔ ڈنمارک اس وقت جو کچھ کر رہا ہے (مذہبی کتابوں کو جلانے پر پابندی لگانے کی پہل) میں اس کا بہت احترام کرتا ہوں۔ بالکل وہی کرنے کے لیے جو ڈنمارک میں کیا جائے گا اس کے لئےآئینی ترمیم کی ضرورت ہے، اس لیے سویڈن کا اس پر آگے بڑھنے کا کوئی منصوبہ  نہیں ہے۔‘‘

سویڈن کے حکام نے 18 اگست کو کہا کہ وہ عوامی نظم کے قانون کا جائزہ لیں گے جو ملک میں قرآن جلانے کے احتجاج کی اجازت دیتا ہے۔ سویڈن کے وزیر انصاف گنار اسٹرومر نے کہا کہ اگر امن عامہ یا سلامتی کو خطرہ لاحق ہو تو عوامی اجتماعات پر پابندی لگائی جا سکتی ہے۔

حالیہ مہینوں میں سویڈن کے ساتھ ساتھ ڈنمارک میں بھی قرآن جلانے کے متعدد مظاہرے ہوئے ہیں۔ زیادہ تر مسلم ممالک نے مظاہروں کی مذمت کی ہے، اور کچھ نے احتجاج کے نوٹس دینے کے لئے سویڈش اور ڈنمارک کے سفیروں کو بلایا ہے۔ گزشتہ ماہ سیکڑوں عراقی مظاہرین نے قرآن مجید کو نذر آتش کرنے کے بعد اسٹاک ہوم میں سویڈش سفارت خانے پر دھاوا بول دیا تھا۔