بنگلہ دیش سلہٹ میں بی این پی اور جماعت اسلامی کے کارکنوں سمیت 139 گرفتار

بنگلہ دیش کے سلہٹ میں سرکاری ملازمتوں میں ریزرویشن میں اصلاحات کا مطالبہ کرنے والے طلباء کے احتجاج کے دوران پھوٹ پڑے تشدد کے سلسلے میں پولیس نے بنگلہ دیش نیشنلسٹ پارٹی (بی این پی) اور جماعت اسلامی کے کارکنوں سمیت تقریباً 139 لوگوں کو گرفتار کیا ہے۔

افسران نے میڈیا کو یہ اطلاع دی۔ ڈھاکہ ٹریبیون نے ڈپٹی کمشنر محمد سیف الاسلام کے حوالے سے بتایا کہ ریزرویشن اصلاحات کے لیے طلباء کے احتجاج کے دوران جھڑپوں، توڑ پھوڑ اور آتش زنی سے متعلق 11 معاملات میں پولیس نے ہفتہ کی صبح تک 139 افراد کو گرفتار کیا ہے۔

انہوں نے کہا کہ اطلاعات کے مطابق گرفتار ہونے والوں میں بی این پی اور جماعت اسلامی کے کارکنان بھی شامل ہیں۔ رپورٹ میں کہا گیا کہ ان معاملات میں دھماکہ خیز مواد ایکٹ اور خصوصی اختیارات ایکٹ کے تحت پولیس پر حملہ اور رکاوٹیں شامل ہیں۔

رپورٹ میں بتایا گیا کہ کوتوالی پولیس اسٹیشن میں چھ، جلال آباد پولیس اسٹیشن میں چار اور دکھین سورما تھانے میں ایک معاملہ درج کیا گیا۔میڈیا کے مطابق 244 نامعلوم افراد اور 16015 نامزد افراد کے خلاف معاملےھ درج کیے گئے ہیں۔